ज्या हायड्रोजन कारने गडकरी संसदेत आले, ती खरंच २ रुपये प्रति किलोमीटर चालते? जाणून घ्या…

NCAD

महाराष्ट्र एक्सप्रेस ग्रुप डेस्क
केंद्रीय मंत्री नितीन गडकरी जेव्हा हायड्रोजन कारने संसद भवनात पोहोचले तेव्हा लोकांसाठी हा एक नवीन अनुभव होता. संसद भवनातील कर्मचारी कुतूहलाने ही कार पाहत होते तर खासदारांनी या कारचे कौतुक केले.

एक खासदार, जे पेट्रोलियम विषयक संसदीय समितीचे सदस्य देखील आहेत, म्हणाले की, मी स्वतः केमिकल इंजिनियर असून हीच भविष्याची गाडी आहे. केंद्रीय मंत्री जेव्हा या गाडीत आले, तेव्हा लोकांचे मनोबल नक्कीच वाढेल. लोकांना पर्यायी इंधनासाठी प्रोत्साहित केले जाईल. हायड्रोजन कार हे भविष्य आहे.

पंतप्रधान मोदींनीही याचा उल्लेख केला असून स्वावलंबी भारत होण्याच्या दिशेने हे मोठे पाऊल आहे. हायड्रोजनचे तीन प्रकार आहेत, हे ग्रीन हायड्रोजन असून त्याची किंमत प्रति किलोमीटर दोन रुपये आहे. त्याचे जपानी नाव मेराई आहे. लवकरच हे वाहन भारतात येणार असून त्याची फिलिंग स्टेशन्स भारतात बसवली जातील.

टाकी पूर्ण भरल्यानंतर ही हायड्रोजन कार सुमारे 650 किमी धावेल. या हायड्रोजन कारने प्रवास करण्यासाठी प्रति किलोमीटर 2 रुपये खर्च येणार आहे. फक्त 5 मिनिटांत इंधन भरता येते.

टोयोटा कंपनीने या कारमध्ये अॅडव्हान्स फ्युएल सेल बसवला आहे. जे ऑक्सिजन आणि हायड्रोजनचे मिश्रण करून वीज निर्माण करेल. ज्याच्या मदतीने ही कार धावेल.

ही कार देखील एक इलेक्ट्रिक वाहन आहे. त्यात एक विशेष यंत्रणा आहे. ज्यामुळे हायड्रोजन बाहेर पडतो आणि इंधन सेलला भेटतो. त्यानंतर ऑक्सिजनच्या मदतीने रासायनिक अभिक्रिया केली जाते. ज्यातून वीज निर्माण होते. आणि तेच ही गाडी चालवते.

तुम्हाला हे जाणून आश्चर्य वाटेल की ही कार धुराऐवजी फक्त पाणी सोडते. नितीन गडकरी म्हणाले की, या हायड्रो फ्युएल सेलमुळे कोणत्याही प्रकारचे प्रदूषण होत नाही. तसेच ही कार आपल्या देशाचे भविष्य असल्याचे सांगितले. कारण जपानी भाषेतील ‘मिराई’ या शब्दाचा अर्थ भविष्य असा होतो.

या कारचं नाव गिनीज बुक ऑफ रेकॉर्डमध्ये सामिल करण्यात आलं असून १३०० किलोमीटरचा प्रवास या कारमधून करण्यात आला होता. या कारचे आणखी एक खास वैशिष्ट्ये म्हणजे ही कार अवघ्या २ रुपयात १ किमीचा प्रवास करू शकते. म्हणजेच आगामी काळात ही कार पेट्रोल व डिझेलवरील कारला चांगली टक्कर देईल.

Leave your vote

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.